فريدة فهمي: الراقصات دلوقتي معندهمش أمانة فنية

تحدثت الفنانة القديرة فريدة فهمي، عن تفاصيل فرقة رضا وزوجها المخرج الراحل علي رضا، خلال ندوتها بمعرض الكتاب الدولي للكتاب في دورته الـ 55.

وقالت فريدة فهمي: علي رضا كان جواه أفكار عشان يحصل انتعاشة على مر السنين، واشتغل وراح عمل ونقى موشحات جميلة جدًا وبدأ يعرضها في التلفزيون، والمزيكا اللي كنت بسمعها على صوته كان فيها حاجة محصلتش، وكانت الموسيقى بتاعتها القالب، بس كان في كلمات وألحان، رغم إنها ماكنتش خرافية، ومن هنا علي رضا عرض في التلفزيون.

وتابعت: وبدأ يعلن الموشحات، والناس برا لا يمكن يغيروا في حاجة شبه تراث، وعندهم أمانة فنية وكرامة وكبرياء، وإحنا عندنا دلوقت الراقصات في حالة هجل وماعندهمش أمانة فنية.

وأضافت: الكرامة مهمة والفنان لازم يعتز بكرامته ويبقى له قيمة، وأنا عيشت أحلى أيام لإني عملت اللي كان نفسي فيه، إني أرقص، ومكنتش واخدة بالي إن الرقص عيب، وكان بعيد عن مخي إن ممكن الرقص يبقى صعب المنال، وده حظي ومكتوبلي.

وأكدت: كمان أبويا عمل حسابه إني أبقى مصرية وأفهم كل حاجة، وكان عاوزني أتشبع بمصريتي، والمدارس الأجنبية مغيرتش من طفولتي، وحبي لمصر باقي لآخر يوم في عمري.

وأعربت فريدة فهمي، عن حزنها بسبب عدم عرض أعمال فرقة رضا، على شاشة التليفزيون المصري، قائلة: التلفزيون المصري متجاهل مجهود فرقة رضا، إزاي متجاهلين العلماء.